Halloween tashmë po kthehet thuajse në një festë popullore edhe në vendin tonë, edhe pse e ardhur relativisht vonë.
Emri i Halloween është interpretimi modern i All Hollows’ Eve të Irlandës, apo Dita e të gjithë Shenjtorëve. Kjo festë tepër e lashtë mbërriti në SHBA së bashku me emigrantët irlandezë dhe hodhi rrënjë për të vuajtur tani një transformim radikal.
Tradicionalisht i njohur si Mbrëmja e të Gjithë Mbrëmjeve, Halloween festohet më 31 tetor. Është gjithmonë në vigjilje të festivalit të krishterë Dita e Gjithë Shenjtorëve më 1 nëntor.
Dita e 31 tetorit kur dhe festohet Halloween shënon fundin e Vitit të Keltëve dhe besohet të jetë dita kur shpirtrat e atyre që kanë vdekur vitin e mëparshëm do të kthehen për të zënë vend në trupin e një të gjalli.
Pikërisht për këtë arsye, njerëzit veshin kostume të frikshme për t’i trembur. Ekzistojnë versione të ndryshme të traditave të Halloween-it, por origjinën e vërtetë e gjejmë në festivalin antik të keltëve të njohur si Samhain.
Sot, kjo festë është përqafuar edhe nga shqiptarët, të cilët poe festojnë gjithnjë e më shumë. e bashkë me vëmendjen ndaj saj, janë shtuar edhe shpenzimet që bëhen me rastin e festës.
Sipas Monitor, shqiptarët bëjnë shpenzime të “frikshme” për 31 tetorin.
“Familjet përpiqen të gjejnë kostume, të blejnë kunguj, të dekorojnë shtëpitë, kurse bizneset, ambientet e tyre. Ajo që dikur shihej si një ‘festë e huaj’, shumë e shohin si një kalim në një sezon të vërtetë feste dhe tashmë po shndërrohet në një ‘industri’ prej qindra eurosh,” shkruan Monitor.
“Shpenzimet e kostumeve janë komponenti më i madh i shpenzimeve të Halloween, sipas vëzhgimeve të bëra në biznese të ndryshme në kryeqytet, si dhe ato online. Sipas tyre, një shumicë njerëzish do të veshin një kostum ose aksesorë të një kostumi. Çuditërisht një pjesë e tyre synojnë të blejnë një kostum edhe për kafshët shtëpiake.”
Sipas Monitor, shpenzimet janë:
Kostume për të rritur: 2,500 lekë
Kostume për fëmijë: 1,500 lekë
Kostume për kafshë: 1,000 lekë
Aksesorë si maska, kapele: 500 lekë
Dekore të ambienteve: 15,000 lekë
Dekore të vogla për shtëpi: 1,500 lekë
Ëmbëlsira: 2,000 lekë
Kungull natyral: 500 lekë
Make up festiv: 3,000 lekë
Sete fotografike: 3,500 lekë
