Kur Aurela Gaçe shoqëronte në skenë Anita Bitrin… (VIDEO)

Megjithëse për fakt të keq artistja Anita Bitri është ndarë nga jeta, figura dhe zëri i saj mbeten të gjalla e shumë të dashura për shqiptarët. Një kujtim shumë të bukur me të, ka ruajtur ylli i muzikës shqiptare, Aurela Gaçe. Bëhet fjalë për një performancë të vitit 1993, ku në Pallatin e Sportit në Vlorë këndonte Anita Bitri dhe një vajzë e veshur me fustan rozë që kërcente pafund, e shoqëronte si backvocal-iste. Ajo është Aurela Gaçe. “O çfarë kujtimesh kam gjetur. Me Anita Bitrin. Vërtetë jo pastër xhirimet, por për mua do të thotë shumë. Jam në rolin e backvokalistes. Anita Bitri ma dha mundësinë shumë kohë përpara se të vija në Tirane e siç e shikoni, e paskam ditur që duhet pak show përveç zërit. Kërcim, jo shaka… haha… Edhe pse mbas artistes së madhe, mora çdo gjë shumë seriozisht, edhe veshjet s’di ku i gjeta, por ia kombinova ritmeve. Anita Bitri, vajza e saj, nëna e saj, 3 engjëj”, ka shkruar Gaçe. Këngëtarja Anita Bitri vite më parë u nda nga jeta në një mënyrë tragjike. Ajo, vajza dhe nëna e saj u asfiksuan nga gazi në shtëpinë e bashkëshortit të së ndjerës.

No Result