Aktori britanik Rupert Everett ka nisur të bëjë zbulimet e tij për familjen mbretërore, duke pretenduar se princ Harry gënjeu në librin e tij të shumëpërfolur, për herën e parë që bëri seks.
Princi Harry ka treguar se ka bërë seks për herë të parë kur ishte 17 vjeç në një fushë pas një pijetoreje, me një grua të moshuar që e trajtonte atë “si një hamshor të ri”.
Por Rupert Everett dyshon në fjalët e princ Harry-t. Në një intervistë për Telegrafin, aktori i njohur tha se e di të vërtetën dhe se nuk është ajo që shkruan në libër pasardhësi i familjes mbretërore.
“Meqë ra fjala, unë e di se cila është gruaja me të cilën bëri seks për herë të parë. Nuk ishte pas një pijetoreje dhe ai nuk ishte as në këtë vend”, tha aktori 63-vjeçar, “me një vezullim në sy”, shkruan gazeta britanike.
“Unë thjesht po zbuloj atë që di,” shtoi Everett, me një burim të afërt me princ Harry-n duke u përgjigjur se ishte “e mahnitshme që aktori dinte një detaj të tillë personal për jetën e Harry-t më mirë se ai.