Këtë vit ditëlindja për aktorin e njohur, Amos Zaharia ka zgjatur një javë të tërë. Siç duket familjarët nuk kanë mundur të jenë pranë tij në ditën e ditëlindjes, prandaj kanë vendosur që këtë ditë të shënuar ta festojnë një javë me vonesë. Vetë Amosi ka publikuar në ‘Instagram’ një fotografi shumë të bukur të portretit të tyre familjar, në të cilën aktori shfaqet shumë i lumtur pranë personave më të dashur. Pavarësisht se Elia dhe Princ Leka kanë qenë të angazhuar me udhëtime këto kohë, ata nuk mund të mungonin në festën e Amosit. Ndërsa prindërit e tij, pavarësisht se janë të ndarë prej vitesh, gjithmonë kanë ruajtur një marrëdhënie shumë të mirë dhe në ditën e Amosit të dy duken shumë të lumtur pranë të birit. /revistawho.com
