Pas zhurmës që shkaktuan disa foto të publikuara së fundmi, Ledri Vula ka reaguar për herë të parë lidhur me marrëdhënien e tij me Xhensila Myrtezajn. I ftuar në podkastin e Alketa Vejsiut, reperi nuk e shmangu temën, madje la të kuptohet se raporti i tyre shkon përtej një bashkëpunimi muzikor.
“Kemi shumë kimi mes nesh. Jemi si një ekip,” u shpreh ai, duke theksuar se lidhja e tyre është ndërtuar mbi mirëkuptim dhe dashuri për muzikën. Edhe pse nuk e përmendi qartë një lidhje romantike, Ledri nuk e përjashtoi mundësinë e diçkaje më shumë mes tyre.
Kur u pyet nëse një marrëdhënie përtej studios mund të funksiononte, ai u përgjigj me siguri:
“Po, normal që po. Mendoj se do kishte funksionu. Pa marrë parasysh nëse kanë fëmijë apo një të kaluar, kur dy njerëz e duan njëri-tjetrin, dashuria mund gjithçka.”
Ledri foli gjithashtu për vlerësimin që ka ndaj Xhensilës si person dhe si artiste:
“Kemi pas një gjuhë të përbashkët, sepse të dy kemi histori të ngjashme. Ka qenë shumë natyrshëm me komuniku. Më pëlqen si artiste dhe më pëlqen të rri me njerëz që e duan muzikën dhe punojnë me pasion.”
Ky reagim i Ledrit vjen në një kohë kur mediat dhe rrjetet sociale janë të mbushura me spekulime mbi një romancë të mundshme mes tij dhe këngëtares. A do të jetë muzika ajo që i bashkon edhe në jetën personale? Koha do ta tregojë.
