Në ‘Eurovision’-in e këtij viti me siguri të gjithë shqiptarëve u ka rrahur zemra fort. Jo një, por tre këngëtarë me origjinë shqiptare përfaqësojnë tre vende të ndryshme dhe kanë treguar se muzika bashkon vende. Performancat e tre shqiptarëve ishin vërtet të arrira dhe janë cilësuar si ndër këngët më të mira të festivalit.
Më parë pamë përfaqësuesin e vendit tonë Eugent Bushpepën dhe përfaqësuesen e Qipros, Eleni Fouriera , duke bërë me duar shqiponjën dykrenare.
Ndërsa ditën e sotme janë bërë bashkë dy zërat e meshkujve shqiptarë, Ermal Meta dhe Eugenti në një fotografi. Të dy kanë bërë përsëri të njëjtin gjest me duar, simbolin më të njohur ndër shqiptarë. Për më tepër duket se ata kanë dhe një vlerësim shumë të madh për njëri-tjetrin si artistë. “Një artist i madh dhe modest”, – ka shkruar Eugenti për Ermalin në fotografinë e publikuar përkrah tij.
Kujtojmë se në finalen e madhe, që do të mbahet ditën e nesërme, Eugenti do të këndojë i 12-ti, Eleni Fouriera e 25-ta, ndërsa Ermal Meta dhe Fabrizio Moro do të këndojnë të 26-tët duke mbyllur kështu dhe konkurrimin. /revistawho.com
