Ditën e djeshme, Bebe Rexha mori lajmin e bukur se është nominuar në kategorinë ‘Artisti më i mirë’ në ‘Grammy Awards’. Sot ajo ka të gjithë suksesin që një artist mund të kërkojë, por 6 vite më parë këto ishin thjesht ëndrra dhe dëshira për këngëtaren shqiptare. Bebe ka publikuar në ‘Instagram’ një fotografi të një dere, në të cilën shihen disa letra të ngjitura dhe ka ndarë më të gjithë një histori të shkurtër.
“I vendosa këto në derën time 6 vjet më parë. Ka çdo gjë që unë doja të arrija në jetën time. Të gjitha ëndrrat dhe dëshirat e mia. Të shikosh të gjitha ëndrrat të bëhen realitet një e nga një është e pabesueshme. Mendoj se ëndrrat bëhen realitet”, – ka shkruar Bebe bashkangjitur fotos. Megjithatë ajo ka treguar se asgjë nuk ka qenë e lehtë, sepse gjithçka e ka arritur me shumë punë. Rreth 6 vite më parë, Bebe nisi për herë të parë punën e saj duke u bërë pjesë e grupeve muzikore, ndërsa sot renditet ndër këngëtaret më të mira. /revistawho.com
