‘Halloween’-i është një festë pagane që festohet në mbarë botën dhe simbolizon kujtimin e të vdekurve apo edhe largimin e shpirtrave. Prandaj në 31 tetor të gjithë të maskuar në forma të ndryshme, nëpërmjet veshjes duan të ‘përcjellin frikë’ ose të shfaqen paksa më çuditshëm se në një ditë të zakonshme. Vitet e fundit ‘Halloween’-i është kthyer në një trend edhe në Shqipëri dhe të gjithë e presin në mënyra të ndryshme këtë ditë. Edhe personazhet e njohur shqiptarë kanë nxjerrë të gjithë në pah kreativitetin e tyre me veshjet për këtë festë. Një pjesë e madhe kanë vendosur të vishen me kostumet e heronjve të njohur të filmave vizatimorë, ndërsa disa të tjerë thjesht kanë zgjedhur të maskohen në fytyrë.
Këtë vit është vënë re se VIP-at shqiptarë i kanë kushtuar vëmendje të veçantë edhe dekorimit të shtëpisë, duke treguar se ‘Halloween’-i po kthehet në një festë të rëndësishme edhe në vendin tonë. /revistawho.com
