Në një nga rrëfimet më të qeta, por edhe më domethënëse të këtij edicioni të Big Brother VIP Albania, Selin ka zgjedhur të flasë hapur për raportin e saj me DJ Gimbo, duke përdorur fjalë të drejtpërdrejta dhe pa ngarkesë emocionale të tepruar.
Në dhomën e rrëfimeve, Selin shprehet saktësisht:
“Me Gimbon marrëdhënia është, mendoj, ndër marrëdhëniet e vetme korrekte këtu brenda që kam pasur ndonjëherë.”
Ajo thekson se prania e tij e bën të ndihet jashtë skemave të lojës:
“Kur jam me Gimbon mendoj se jetoj, që do të thotë që nuk jam kaq e përfshirë në lojë.”
Duke folur për dimensionin njerëzor të raportit, Selin ndalet edhe te kimia mes tyre:
“Si raport, përveçse shumë korrekt, kemi një kimi shumë të fortë.”
Dhe më pas, flet për mënyrën se si ajo e percepton DJ Gimbon si njeri:
“E vlerësoj shumë si djalë dhe kam shumë respekt. Më pëlqen shumë se është detajist dhe kujdeset shumë. E kam shumë për zemër.”
Nga ana tjetër, edhe DJ Gimbo ka hapur një kapitull personal përballë Selines, duke ndarë historinë e ndarjes së prindërve dhe episodet e vështira familjare që e kanë shoqëruar që fëmijë. Rrëfimi i tij, i treguar pa dramatizim, por me sinqeritet, ka shtuar një tjetër shtresë intimiteti në këtë raport.
Dhe pikërisht këtu lind pyetja që po qarkullon brenda dhe jashtë shtëpisë: Jemi përballë një lidhjeje që po ndërtohet natyrshëm, pa zhurmë apo kemi të bëjmë thjesht me një miqësi të pastër, të bazuar në respekt dhe ndjeshmëri?
Gjuha e përdorur nga Selin është e matur, pa premtime dhe pa romantizim të drejtpërdrejtë. Ajo nuk flet për ndjenja të shpallura, por për qetësi, korrektësi, kimi dhe respekt. Fjalë që, në një reality show, shpesh thonë më shumë se deklaratat e mëdha.
Megjithatë, raporti Selin-DJ Gimbo po lexohet si një histori që po ecën pa presion, pa etiketa dhe pa ngut. Dhe ndoshta është kjo është arsyeja pse po ngjall kaq shumë diskutim.
