Ish-futbollisti Ryan Giggs i dha fund lidhjes me bashkëshorten e tij Stacey në prill të këtij viti. Por atmosfera nuk është shuar plotësisht, pasi ata janë fotografuar duke kaluar pushimet më të sikletshme familjare javën e kaluar në Algavre sëbashku me fëmijët e tyre Zachary dhe Liberty. 42-vjeçari ka qëndruar larg gruas së tij, në anën tjetër të pishinës i shtrirë në një shezllon përballë saj. Sipas ‘The Sun’, Ryan i cili ende nuk e ka hequr unazën e tyre të martesës, ka ngrënë çdo dite mëngjes vetëm me djalin e tij i veçuar nga Stacey, ndërkohë që ajo ka kaluar kohë me një mike dhe fëmijët.
