Diskutimet në lidhje me etninë mes vendeve ish-jugosllave dhe Kosovës vazhdojnë ende sot e kësaj dite. Pavarësisht se gjendja nuk është e njëjtë si më parë, duket se mes popujve ekzistojnë ‘përplasjet’ për këtë gjë. Megjithatë pavarësisht çdo gjëje, gjithmonë ka diçka që bashkon dhe asgjë tjetër përveç artit nuk mund ta bëjë këtë gjë. Pikërisht këtë ka dashur të tregojë edhe Emina Çunmulaj nëpërmjet një postimi të saj në ‘Instagram’. Bukuroshja shqiptare ka publikuar videon e një këngëtari të njohur nga Mali i Zi që në makinë dëgjon dhe këndon këngën e Ledri Vulës dhe Lyrical Son, ‘Princess Diana’. Emina e lumtur për këtë fakt përkrah videos ka shkruar: “Arti dhe muzika gjithmonë i bashkon njerëzit. Bravo Dado që bëhesh shembull. Këngëtari ish-jugosllav duke dëgjuar këngëtarin shqiptar Ledri Vula”. /revistawho.com
https://www.instagram.com/p/BmdYeo7B2B4/?hl=it&taken-by=dadopolumentaofficial
