Edicioni i katërt i “Big Brother VIP Albania” pritet të fillojë në dhjetor të këtij viti.
Konfirmimi zyrtar nga profili i Top Channel në Instagram ka nxitur diskutime të shumta, dhe si çdo vit, në rrjetet sociale po qarkullojnë emrat e parë të personazheve të mundshëm, megjithatë, asgjë nuk është e sigurt deri në momentin e zyrtarizimit nga produksioni.
Pavarësisht spekulimeve, pritet që sezoni i ri të sjellë një kast të larmishëm banorësh, ndërsa publiku është gjithnjë në kërkim të surprizave dhe dinamikave që kanë bërë të suksesshëm këtë spektakël ndër vite.
