Këngëtarja e njohur, Albërie Hadërgjonaj, prej pak kohësh ka nisur jetesën në New York. Ajo ka arritur të integrohet mjaft mirë në vendin e ri, madje ka gjetur dhe punë si agjente e pasurive të paluajtshme. Albëria ndihet shumë e kënaqur me jetesën që ka nisur në New York dhe mesa duket pak ditë që largohet prej andej ia ndjen shumë mungesën atij vendi. Këngëtarja përpara pak ditësh është rikthyer sërish në Shqipëri dhe ka nisur disa koncerte në ‘club’-e të ndryshme.
Këtu Albëria ka gjetur dashurinë e gjithë njerëzve të afërm dhe të atyre që e njohin, por ama nuk e fsheh dhe ‘dashurinë’ që ka tashmë për New York-un. Ajo ka publikuar në ‘Instagram’ një fotografi, në të cilën ka pozuar afër një panorame ku shihet Brooklyn Bridge. “Kur je në Tiranë dhe të mungon New York. Bëra murin e shtëpisë me Brooklyn Bridge”, – ka shkruar këngëtarja bashkangjitur fotografisë. /revistawho.com
