“Kurrë mos thuaj kurrë”, rrëfimi i Amit për mëmësinë, biznesin dhe… televizionin!

Amarda Toska për herë të parë ka bërë një rrëfim të pazakontë në podcastin Mam të Orinda Hutës.
Ami ka treguar për herë të parë arsyen se pse mungoi natën finale të Dancing With the Stars e ka qenë pikërisht ajo që shumë media e dyshuan asokohe, shtatzënia. Një shtatzëni që edhe pse në regjim nuk ia doli me sukses. Ky nuk ishte një moment dorëzimi për Amin dhe Ermalin. Të dy e dinin që shpejt do të vinte bekimi i tyre.
Ajo tregon se Joel shumë shpejt do e kërkonte një motër dhe se Sia ka mbetur 2 javë pa emër duke i thirrur bebi, sepse askush nuk merrte një vendim.
Më shumë një mami çunash apo gocash? Lidhjen më të ngushtë e ka me Sian. Ami rrëfen edhe për momentin më të vështirë në jetën e tyre. Ajo kujton kur Sia ishte vetëm një vjeç do të digjej keq. Sfida dhe dhimbja ishin te mëdha aq sa shpesh i bënte pyetje vetes, “ a do bëhet ndonjëherë?” Sot, Sia gëzon shëndet të plotë por gjurmë në memorien e Amit ka lënë shumë.
E sa i përket rikthimit në televizion Ami e ka një përgjigje… Kurrë mos thuaj kurrë por tani e plotëson më shumë biznesi se sa varësia e televizionit. “Televizioni do disiplinë”, thotë Ami.