Vetëm pak ditë na ndajnë nga dita e madhe, dasma mbretërore tashmë është gjithmonë e më afër. Princ Harry dhe Meghan Markle do të kurorëzojnë dashurinë e tyre në një dasmë madhështore, detajet e së cilës ende nuk janë zbuluar plotësisht. Ditën e dasmës një detaj shumë i veçantë do t’i gëzojë të gjithë. Bëhet fjalë për statujën prej dylli të çiftit, e cila tashmë është realizuar dhe ditën e dasmës do të lëvizë drejt muzeut “Madame Tussauds”.
Pikërisht gjatë asaj dite, të gjithë turistët, apo fansat që do shkojnë për të parë nga afër ceremoninë e çiftit do të kenë mundësi të shkrepin një foto krah princ Harry dhe Meghan. Punimi është aq i bukur sa është e vështirë t’i dallosh nga çifti real. Hyrja për në muze do të jetë falas për të gjithë ata që quhen Harry dhe Meghan./revistawho.com
