Ka qenë stilistja e njohur shqiptare Rezarta Skifteri ajo që ka realizuar veshjen e Eneda Tarifës në Festivalin e 54-të të TVSH-së, kur ajo triumfoi me këngën “Përrallë”. Në një intervistë për Eurovizion Albania ajo ka treguar se asaj i është kërkuar që të jetë pjesë e ekipit shqiptar në “Eurovizion”, për të dizajnuar kështu veshjen e Tarifës. “Po, më është kërkuar që të shkoj të dizajnoj dhe të realizoj veshjen e Enedës në ‘Eurovizion’. Më është kërkuar të jem pjesë e stafit që do të shkojë në Suedi, por për shkak të impenjimeve të mia të shumta kjo do të jetë pak e vështirë. Megjithatë, besoj se veshja e kërkuar nga Eneda do të jetë kënaqësi për mua”, – tregon Skifteri në këtë intervistë. Eurovizioni i këtij viti mbahet në muajin Maj në Stokholm të Suedisë. (Shqiptarja.com)
