Një këngëtare 41-vjeçare u arrestua nga policia, pasi u kap me një sasi lënde narkotike në makinë. Policia e Korçës bën me dije se nga Shërbimet e Policisë Kufitare të Qafë-Thanës, në bashkëpunim me specialistët e Seksionit kundër Narkotikëve, u bë kapja dhe arrestimi në flagrancë i shtetases Valbona Xeka, 41 vjeç, banuese në fshatin Kameras- Fushë Krujë. Gruaja që njihet si këngëtare u arrestua, pasi gjatë kontrollit në çantë iu gjet kanabis. “Gjatë kontrollit të ushtruar nga punonjësit e Policisë, automjetit të saj tip “Mercedez-Benz”, me targë AA181ET, në një çantë personale, iu gjet e bllokua në cilësinë e provës materiale 12 gram lëndë e dyshuar narkotike Cannabis Sattiva”- njofton policia.Materialet i kaluan Prokurorisë të Rrethit Gjyqësor Pogradec, për veprën penale “Prodhimi dhe shitja e narkotikëve”./ Panorama
