Edhe pse është vetëm 9 muajshe, princesha Charlotte e Cambridge është shpallur si personi me më shumë influencë në Angli, sipas revistës britanike ‘TATLER’. Ajo ka lënë pas në klasifikim, nënën, babain, vëllain e saj George, madje edhe vetë mbretëreshën Elisabete II. Është vetëm dalja e saj e katërt zyrtare dhe gjendet në faqen e parë të një prej revistave më prestigjoze në Angli. Dalja e saj e parë publike ishte pikërisht në ditën e lindjes, më pas për traditën e familjes mbretërore, portreti zyrtar, ditën e pagëzimit, kur mbushi 6 muaj dhe sot ku ajo rezulton të jetë me e klikuar se nëna e saj në internet edhe pse është vetëm 70 cm e gjatë.
Princesha Charlotte Elizabeth Diana na emocionoi të gjithëve në shfaqjen e saj të parë publike përgjatë daljes nga spitali nën dritën e prozhektorëve, kur kishte vetëm pak orë që kishte ardhur në jetë. Një rreze e bukur dielli që na bëri të gjithëve menjëhërë për vete është justifkuar revista prestigjoze për dhënien e këtij trofeu.
Në shtator të viti 2015, sipas studimit të Brand Finance u vlerësua se të ardhurat e familjes mbretërore ishin shtuar me 4 miliardë euro vetëm për 4 muaj, që nga ardhja në jetë e princeshës Charlotte.
