Një mesazh i thjeshtë, por i mbushur me nënkuptime. Reperi Stresi ka shpërndarë së fundmi një bisedë private në Instagram, e cila ka ndezur diskutime të shumta mes ndjekësve.
Në bisedë, dikush i sugjeron një takim në jug të vendit. Por përgjigjja e tij ishte e prerë:
“Po të kisha fiksim do vija”, shkruan ai, përpara se të shtonte me gërma të mëdha:
“Fixim kam vetëm bkc-n.”
Ky koment i fundit ka bërë që rrjeti të shpërthejë në aludime. Shumë ndjekës mendojnë se bëhet fjalë për ish-partneren e tij, Kejsin, e cila njihet për përdoruesin e saj në Instagram, “bkc”.
Nuk është e qartë nëse ky postim ishte një tentativë për t’i hedhur benzinë zjarrit të një lidhjeje të dikurshme, apo thjesht një thumb i rastësishëm në stilin karakteristik të reperit. Por një gjë është e sigurt – Stresi e di mirë si të mbajë vëmendjen e publikut të ngulur mbi të.
