Benardi i kërkon Damianos që të nxjerrë emrin e personit që ai thotë se flet pas krahëve dhe po ngatërron shtëpinë e beqarëve. “Të lamë ta mbaroje! E the katër herë dhe e përsërite prap, por emrin nuk e the. Thuaje emrin që edhe në ta dijmë se cili është ai person që po na ngatërron”, i thotë ai. Damiano këmbëngul dhe thotë se nuk do ta thotë emrin. “Nuk e them se ai person po rri si pulë e lagur këtu në tavolinë”, i thotë ai. Në fund, Damiano akuzon të tjerët se ose bëjnë sikur nuk e kuptojnë.
Armela dyshon se është ajo personi që akuzon Damiano se merret me thashetheme dhe flet pas krahëve. Ajo i thotë Xhenit tek këndi i cigares se Damiano po mundohet t’ja kthejë të gjithë banorët e tjerë kundër. “Do të m’i kthejë të gjithë banorët mua kundër. Çfarë i kam thënë atij ua kam thënë edhe të tjerëve. Do të më nxjerrë mua para të gjithëve keq. Duhet të mendoj çfarë t’i them se foli shumë keq për mua dhe ti më dil në krah”, thotë Armela. Xheni kujton se Damiano i ka thënë se është e sinqertë dhe po e përdorin banorët e tjerë të shtëpsë. “Po kjo nuk do të thotë që jam e sinqertë dhe të ul kokën për dikë tjetër. Unë kam bërë çfarë kam dashur këtu dhe ai është i pari që flet keq për banorët e tjerë”, thotë Xheni.
Pasi bëri planin e “kundërsulmit” me Xhenin, Armela vendos të përballet me Damianon në sy të gjithë banorëve të tjerë. “Këtu janë tre persona për të cilët bëhet fjalë; jam unë, Damiano dhe një tjetër. Unë dola e dyta dhe tani i treti të dalë vetë”, thotë ajo. Damiano vendosi që ta tregojë vetë emrin e tretë. “Klodi”, thotë ai. “Unë të kam thënë ty pse i ke thënë Damianos që Armela po të përdor?”, pyet Armela Klodin. Por Kleodiana ka një tjetër version. “Ti më ke thënë mua që Damiano po të përdor ty për lojë”, i thotë ajo. Benardi thotë se nuk ka asgjë të keqe këtu dhe se të gjithë e kanë bërë për lojë. Damiano thotë se këtë gjë, Armela nuk e paska bërë vetëm kundër tij, por edhe kundër banorëve të tjerë të shtëpisë. “E di që ti meresh me llafe gjithë ditën dhe e kam thënë pjesën që ti zihesh kot”, ja kthen Armela.
