Aktorja e famshme hollivudiane, Gwyneth Paltrow, është e njohur për lidhjet e saj romantike me disa nga emrat më të spikatur të botës së showbizz-it, që janë mbi të gjitha dhe disa nga djemtë më simpatikë.
Gjatë një interviste në podcastin “Call Her Daddy”, ajo krahasoi ish-partnerët e saj, Brad Pitt dhe Ben Affleck, duke zbuluar detaje interesante rreth marrëdhënieve të saj me secilin prej tyre.
Ajo tha, “Me Brad kisha një kimi të madhe, mund ta quaj dashurinë e jetës në atë kohë. Beni ishte, si të them, i shkëlqyer teknikisht.”
Paltrow gjithashtu përmendi momentin kur Brad Pitt e propozoi në vitin 1996, duke e përshkruar si një ngjarje emocionuese.
“Ishte fantastike, u emocionova,” tha ajo. Ndërsa kur fliste për marrëdhënien me Ben Affleck, Paltrow theksoi se ai ishte më i qeshur, por gjithashtu më i prirur për diskutime.
“Shpresoj që vajza ime nuk po i dëgjon këto,” shtoi ajo me shaka.
Kujtojmë që vajzën e saj Apple, Paltrow e ka me liderin e bandës britanike Coldplay, Chris Martin me të cilin u ndanë pas një marrdhënie13 vjeçare.
