Kush janë të famshmit që e kanë ruajtur veten deri në martesë?

Nga skenat në filma apo videoklipet muzikore, mund të krijojmë idenë se VIP-at bëjnë një jetë të shthurur. Megjithatë, kjo nuk qëndron për të gjithë të famshmit, pasi disa prej tyre kanë vendosur ta ruajnë veten deri në martesë. Emrat e tyre mund t’i zbuloni në këtë listë të përgatitur nga ‘marie claire’:
1. Adriana Lima
Modelja e ‘Victoria’s Secret’ gjatë një interviste për ‘GQ’ ka zbuluar arsyen se pse po e ruan veten për martesë. “Marrëdhënia është për pas martese. Nëse i dashuri im nuk e pranon këtë, atëherë ai nuk më do”, është shprehur modelja.
2. Jordin Sparks
Këngëtarja është shtatzënë me bashkëshortin e saj, Dana Isaiah. Të dy bënë betimin të mos kryenin marrëdhënie para martesës, pasi këngëtarja mendon se ajo duhet t’ja japi veten vetëm mashkullit që vërtetë e dashuron.
3. Julianne Hough
“Zgjedhja për të mos kryer marrëdhënie deri në martesë është individuale, por për mendimin tim e forcon akoma më shumë lidhjen. Mendoj se të thuash ‘jo’ deri në momentin e duhur, është vendimi i duhur”, është shprehur aktorja.
4. Kevin Jonas
Vëllai i madh i familjes Jonas, është martuar në vitin 2009 pas një lidhje 2-vjeçare dhe u betua të mos kryente marrëdhënie me të dashurën e tij derisa të kurorëzonin dashurinë e tyre. “Mund të isha martuar që në ditën e parë pas fejesës”, u shpreh këngëtari për ‘People’ në formë shakaje.
5. Miranda Kerr
Miranda Kerr dhe Evan Spiegel u martuan në maj të vitit 2017. Gjatë një interviste, modelja ka zbuluar se çifti kishte vendosur të ndiqnin mënyrën tradicionale dhe të prisnin deri sa të martoheshin për të kryer marrëdhënie.
6. Mariah Carrey
Mariah Carrey dhe Nick Cannon gjithashtu kanë pritu deri në martesë për të kryer marrëdhënie. “Unë dhe Nick kemi të njëjtat besime dhe menduam se do të ishte diçka më speciale nëse prisnim të ndodhte deri në martesë”, tha këngëtarja gjatë një interviste për ‘Daily Mirror’ në vitin 2008.
7. Justin Bieber
Justin Bieber dhe Hailey Baldwin u martuan në shtator të vitit 2018. Gjatë një interviste për ‘Vogue’, së fundmi ato zbuluan disa detaje të lidhjes dhe pranuan se nuk kishin kryer marrëdhënie derisa u martuan. Kjo gjë ndodhi për shkak të besimit të Justin, pasi feja nuk e lejonte këtë gjë./revistawho.com