Lajme të këqija nëse keni lindur në tetor, për shkak se sipas një hulumtimi të ri ju jeni më të rrezikuar për t’u prekur nga sëmundje, se ata të cilët kanë lindur në muaj të tjerë.
Hulumtuesit në Universitetin e Columbia-s në New york gjetën prova të mjaftueshme të lidhjes mes muajit të lindjes dhe rrezikut për të formuar sëmundje të ndryshme.
Duke përdorur një algoritëm, të cilin e ndërtuan, shkencëtarët panë regjistrimet mjekësore të rreth dy milionë banorëve në New York, të lindur gjatë viteve 1900-2000.
Ata gjetën se njerëzit e lindur në tetor kishin më shumë gjasa që të vuajnë nga një rang i gjerë i sëmundjeve të ndryshme, të tilla si: infeksion në gjoks, por foshnjat e lindura në muajin maj dhe gusht kishin shumë më pak gjasa që të vuanin nga sëmundje të ndryshme.
