Rita Ora njihet për stilin e saj mjaft të veçantë në të veshur. Gjithmonë ka diçka që atë mund ta diferencojë nga vajzat e tjera të njohura. Së fundmi Rita ka kthyer në trend bluzat e skuadrave të futbollit. Këngëtarja me origjinë shqiptare është fotografuar në rrugë veshur me një bluzë e cila ishte e frymëzuar nga veshjet e futbollit. Rita tërhoqi vëmendjen të gjithëve, duke qenë se veshja e saj nuk ngjante aspak e zakontë. Në pjesën e poshtme bluza zgjatej derisa vinte në formën e një fustani me ngjyra të ndryshme. Pavarësisht se dukej si diçka shumë sportive, ajo kishte zgjedhur që në vend të atleteve të vishte një palë taka transparente.
Nëse keni menduar se bluza e skuadrës së preferuar vishet në raste kampionati jeni gabuar, sepse Rita sapo na provoi të kundërtën. Nëse e keni shumë përzemër një skuadër nuk ka asgjë të keqe që bluzën ta vishni në përditshmëri dhe ta kombinoni sipas shijeve tuaja. /revistawho.com
