Nëse rikthehemi pas në vite të gjithë e dimë shumë mirë se meshkujt me flokë të gjatë cilësoheshin si “thyes të rregullave të shoqërisë”. As që mund të mendohej se meshkujt mund të mbanin flokët në një gjatësi mesatare, pasi kjo cilësohej si tabu. Megjithatë me kohën çdo gjë ndryshon dhe tani diçka e tillë as që vihet re. Përkundrazi, meshkujt me flokë të gjatë sot pëlqehen shumë nga një pjesë e madhe e femrave. Meshkujt nuk kanë aq shumë mundësi sa femrat të ndryshojnë stilin e flokëve, prandaj një eksperimentim i tillë duket shumë ‘cool’. Ka shumë meshkuj të showbiz-it shqiptar që kanë provuar të mbajnë flokë të gjatë, ose ke dhe nga ata që as nuk e imagjinojnë dot veten me flokë të shkurtër.
Elton Deda
Kantautori i njohur rriti flokët si një protestë kundër regjimit komunist dhe si adhurues dhe pionier i muzikës ‘rock’ në Shqipëri (në këtë grup përfshihen edhe Redon Makashi, Aleksandër Gjoka).
Kastro Zizo
Flokët e gjatë kanë qenë një pjesë karakteristike e imazhit të tij që në fillimet e karrierës. Pavarësisht se me vitet, flokët kanë ardhur duke u shkurtuar, Kastro i ka qëndruar besnik këtij lloj stili.
Capital T
Gjatë vitit 2016-të reperi vendosi të rriste flokët, por në fillim të këtij viti ai vendosi të priste bishtin e tij të gjatë dhe të niste një etapë të re.
Eugent Bushpepa
Në fillimet e tij shquhej për flokët e gjatë, me pamjen tipike të një rockeri 24-karatësh. Megjithatë me kalimin e viteve Eugenti filloi të ndryshonte pamjen, derisa disa muaj më parë hoqi përfundimisht dorë nga flokët e gjatë. Megjithatë me çdo lloj stili, gjithmonë ai është cilësuar si një ndër këngëtarët më simpatikë, duke provuar se një mashkull mund të duket bukur si me flokë të shkurtër ashtu edhe të gjatë.
Valon Shehu
Të gjithë e mbajnë mend shfaqjen e parë të Valonit si fitues i ‘Star Academy 1’. Përveç zërit potent, sa herë që Valoni ngjitej në skenë, gjithmonë tërhiqnin vëmendjen edhe flokët e tij të gjatë dhe kaçurrel. Pas shumë vitesh, Valoni u shfaq shumë më ndryshe, me flokë të prerë dhe me një stil krejtësisht të ri.
Gjergj Kaçinari
Me profilin e tij prej rockeri, Gjergji duket se ka gjetur veten me stilin e flokëve të gjatë.
Nik Xhelilaj
Për shkak të roleve të tij të ndryshme në kinematografi, aktorit shqiptar, i është dashur të transformohet shpesh. Madje mund të themi se Nik është personazhi që ka eksperimentuar më shpesh me ‘look’-un e tij dhe gjithmonë ka marrë pëlqimin e publikut.
Mc Kresha
Reperi ka provuar stile të ndryshme me flokët e gjatë dhe nëse dikujt i pëlqen të guxojë me pamjen mund të frymëzohet nga Kresha.
Gena
Këngëtari e ka pranuar gjithmonë se nuk mundet ta imagjinojë veten me flokë të shkurtra, e në fakt edhe publiku do ta ketë të vështirë të mësohet me një tjetër ‘look’.
Joni Peçi
Gjithmonë është në ndjekje të trendeve të fundit dhe siç duket Joni e di se flokët e gjatë duken shumë stil tek meshkujt.
Arif Ziberi
Vokalisti i grupit ‘Elita 5’ që nga fillimet e tij e deri më sot është shfaqur gjithmonë me flokë të gjatë. /revistawho.com
