Gjatë ditëve të nxehta të verës, pishinat janë një zgjidhje shumë e mirë për t’u freskuar dhe relaksuar. Ndoshta asnjëherë nuk e kishit menduar se dhe duke ndenjur në ujë mund të mbani trupin tuaj në formë. Nën ujë mund të provoni shumë ushtrime që i bëni dhe gjatë përditshmërisë suaj si për shembull vrapimi në ujë, ushtrimet për krahët dhe këmbët. Gjithashtu ushtrimet në ujë janë shumë të dobishme dhe kanë pak ndryshim nga të tjerët. Pavarësisht se nëse jeni të dëmtuar ose keni probleme me shëndetin ju mund të ushtroheni lehtësisht në ujë. Terapia në ujë është shumë e mirë për gratë shtatzëna, personat mbipeshë dhe për ata që vuajnë nga hipertensioni. Për të mbajtur trupin në formë, por edhe për t’u qetësuar duhet të notoni për rreth tre minuta. Më pas me kalimin e kohës duhet të filloni të praktikoheni me 5-10 minuta. Gjithashtu mund të ushtroheni duke kryqëzuar njërën këmbë dhe tjetrën ta mbani drejt duke u mbështetur në anën e pishinës. Ky ushtrim është shumë i mirë për të forcuar muskujt e këmbëve, duarve. Megjithatë përpara se të ushtroheni nën ujë duhet të konsultoheni me një ekspert fitnessi. /revistawho.com
