Victoria Beckham mund të cilësohet pa frikë si një ndër femrat më me stil në mbarë botën. Pavarësisht se është nënë e katër fëmijëve, ajo asnjëherë nuk e ka lënë pas kujdesin për veten dhe kryesisht për pamjen e jashtme.
Sigurisht që feminiliteti duket tek kujdesi që një femër i kushton vetes dhe Victoria sigurohet që këtë gjë t’ja kalojë edhe vajzës 6- vjeçare, Harper. Në ‘Instagram’-in e saj Victoria ka publikuar një fotografi, në të cilën shihet Harper dhe një estetist duke i lyer thonjtë vogëlushes. “Thonjtë si mami”, – ka shkruar Victoria mbi fotografi. Me siguri kur të rritet, Harper do të konkurrojë edhe mamin e saj për mbajtjen e një pamje të jashtme të rregullt, duke qenë se që në këtë moshë asaj po i mësohen hapat bazë të kujdesit që një femër duhet të tregojë ndaj vetes. /revistawho.com
