Georgina Rodriguez ka publikuar një foto të vajzës së saj Bella Esmeralda në “Instastory”. Më 18 prill, Cristiano Ronaldo ndau me ndjekësit e tij lajmin e trishtë se njëri nga binjakët nuk kishte mbijetuar, por Bella Esmeralda i jepte forcë për të kaluar momentin e vështirë.
“Me pikëllimin tonë më të thellë duhet të njoftojmë se djali ynë ka ndërruar jetë. Është dhimbja më e madhe që mund të ndiejë çdo prind. Vetëm lindja e vajzës sonë na jep forcën për ta jetuar këtë moment me pak shpresë dhe lumturi. Dëshirojmë të falënderojmë mjekët dhe infermierët për kujdesin dhe mbështetjen e tyre të ekspertëve. Jemi të gjithë të shkatërruar nga kjo humbje dhe me mirësi kërkojmë privatësi në këtë kohë shumë të vështirë. Djali ynë, ti je engjëlli ynë. Ne do të të duam gjithmonë”- u shpreh futbollisti.
Kujtojmë se disa ditë më parë, Georgina u përball me titujt bullizues të medieve në të gjithë botën, ndërsa fotoja e vajzës duket se është një “shuplakë” e mirë për ta.
