Aktorja Sanaya Irani u bë shumë e njohur në Shqipëri me rolin e saj si “Kushi” në serialin “Si ta quaj këtë dashuri”. Ky serial u prodhua në vitin 2011 dhe u transmetua në Shqipëri e shumë shtete vitin e kaluar. Pak ditë më parë seriali bëri plot 7 vite dhe Sanaya ka postuar një foto të saj dhe aktorit Barun Sobti. “Gjatë audicioneve të Si ta quaj këtë dashuri nuk e prisja ta merrja rolin dhe isha shumë nervoze. Por fati të surprizon, sepse mua nuk më dha vetëm një serial, por një fenomen. Më dha rolin e një jete dhe serialin më të mirë për shumë faktorë, një set i mbushur me pozitivitet dhe pasion, aq shumë sa jam e sigurt nëse kënga e serialit jepet diku, na bën të ndihemi nostalgjik. Më dha miq për gjithë jetën me të cilët edhe sot jam në kontakte. Më dha mundësinë të performoja një karakter që shikuesit me siguri e donin shumë dhe vazhdojnë ta duan edhe sot. Nuk duket sikur kanë kaluar 7 vite, më duket sikur të ishte dje momenti kur unë vendosa kokoren dhe i dhashë motorrit në rrugët e Laknow në serinë e parë. Faleminderit të gjithëve ju që jeni të lidhur me këtë serial që i bëtë Kushin dhe Arnavin kaq magjik dhe të gjithë ju fansave atje ju falenderoj për dashurinë, ju dua gjithmonë”, shkruan Sanaya./revistawho.com
