Pasi i shiti Elon Musk-ut aplikacionin e tij Twitter i cili tani mban emrin X, Jack Dorsey, ka krijuar një tjetër platformë me emrin Bluesky që po shfaqet si një konkurrent i fortë për X.
Me mbi 20 milionë përdorues në nëntor 2024, Bluesky ka fituar popullaritet për shkak të ndryshimeve të kontestuara të politikave të X nën drejtimin e Elon Musk, si heqja e funksionalitetit tradicional të bllokimit tdhe përdorimi i përmbajtjes së përdoruesve për të trajnuar AI.
Për më tepër, lidhjet e ngushta të X me Donald Trump dhe polemikat që pasuan zgjedhjet presidenciale të SHBA-së në 2024 kanë kontribuar në largimin e përdoruesve, përfshirë grupe si fansat e Taylor Swift. Ndërkohë, Threads, platforma e Mark Zuckerberg, po konkuron gjithashtu për të zëvendësuar X, duke arritur 275 milionë përdorues aktivë në muaj.
Bluesky, me fokusin te privatësia, pretendon se përfaqëson një alternativë më transparente për përdoruesit që kërkojnë një eksperiencë të re sociale, larg monopolit të korporatave të mëdha. Megjithatë, sfida e tij mbetet e madhe përballë rivalëve si Threads.
