Moti i kthjellët me vranësira kalimtare dominon të gjithë Shqipërinë përjashtuar kufirin Lindor që vijon me reshje të izoluara dëbore gjatë orëve të para të ditës.
Mesdita dhe në vijim karakterizohet kryesisht nga kthjellimet duke përjashtuar Veriun dhe zonat Lindore ku shpeshherë shfaqen vranësira lokale.
Sipas MeteoAlb, temperaturat e ajrit sërisht do të ulen me 3-4°C në të dy ekstremumet ditore duke bërë që në pjesën më të madhe të vendit mëngjesi të zbresë nën zero gradë.
Era do të fryjë mesatare deri e fortë me shpejtësi 47 km/h nga drejtimi Verilindor ndërsa në det do të gjenerohet dallgëzim 2-3 ballë.
Europa
Perëndimi i Europës dhe kryesisht Franca duke përfshirë edhe Alpet Europiane do të përfshihen nga stuhi të fuqishme me erë, rrebeshe shiu e dëbore. Po ashtu, vranësira dhe reshje të konsiderueshme shiu e dëbore dominojnë motin në ekstremin Juglindor të Europës.
Por pjesa më e madhe e Europës do jetë me mot të kthjellët por të ftohtë. /noa.al
