Qarkullimi i masave ajrore nga Afrika do të bëjë që vendi ynë të dominohet nga moti i kthjellët dhe temperatura të larta. Herë pas herë do të shfaqen kalime vranësirash të lehta, më të dukshme në zonat malore lindore.
Parashikohet që pasditja të vijojë me kthjellime dhe vranësira të lehta e kalimtare në zonat malore duke lënë me mot të kthjellët pjesën tjetër të vendit.
Sipas MeteoAlb, temperaturat e ajrit do të qëndrojnë konstante në orët e mëngjesit por mesdita do të sjellë një rritje të lehtë të tyre. Era do të fryjë e lehte dhe mesatare me shpejtësi 25 km/h nga drejtimi Jugor duke bërë që në det të gjenerohen dallgë 1 ballë.
Europa
Europa qendrore sie dhe vendet skandinave do të jenë nën ndikimin e masave ajrore të paqëndrueshme duke bërë që vranësirat dhe shirat të jenë prezent gjatë gjithë ditës. Shira më të dendur do të bien në Alpe si edhe zonat përreth tyre. Për sa i përket pjesës më të madhe të Europës, do të jetë nën ndikimin e motit të kthjellët dhe temperaturave të larta. /a.y/noa.al
