Bregdeti dhe zonat e ulëta do të mbeten nën ndikimin e motit të kthjellët ndërsa kthjellime dhe vranësira kalimtare dominojnë kushtet e motit në gjithë shtrirjen malore nga Veriu në Jug të vendit.
Pjesa e dytë e ditës do vijojë në kushtet e kthjellimeve në ultësirën perëndimore por vranësirat mbeten prezent në zonat malore, më të dendura në ekstremin Verior ku priten dhe shira të përkohshëm. Sërish orët e mbrëmjes përmirësojnë kushtet e motit në vend, duke bërë që territori shqiptar të dominohet kryesisht nga kthjellimet.
Sipas MeteoAlb, temperaturat e ajrit sërish sjellin një rritje të lehtë në të dy vlerat ekstremale ditore duke bërë që maksimumi në rang vendit të ngjitet deri në 33ºC.
Era do të fryjë e lehtë dhe mesatare me shpejtësi deri 28 km/h nga drejtimi veriperëndimor duke gjeneruar në det dallgëzim 1 – 2 ballë.
Europa
Ishujt Britanikë dhe Europa Perëndimore paraqiten me vranësira dhe shira të intensitetit mesatar. Po ashtu, pellgu i Detit të Zi mbetet me shira intensivë, të shoqëruar me stuhi të forta ere.
Por Veriu dhe Lindja e kontinentit Europian si dhe pjesa më e madhe e Europës Qendrore, karakterizohen nga kthjellime dhe vranësira kalimtare. /noa.al
