Moti i qëndrueshëm do të mbesë prezent në vendin tonë duke bërë që kthjellimet të dominojnë bregdetin dhe zonat e ulëta ndërsa me kthjellime dhe vranësira të shpeshta paraqitet moti për zonat malore.
Pjesa e dytë e ditës do të vijojë me kthjellime dhe vranësira kalimtare në ultësirën perëndimore por në zonat lindore do të ketë grumbullim të vranësirave duke gjeneruar shira të izoluar.
Sipas MeteoAlb, temperaturat e ajrit do të mbeten njësoj në orët e mëngjesit ndërsa mesdita do të sjellë sërish rritje të tyre.
Era do të fryjë e lehtë në tokë dhe deri mesatare në det duke arritur shpejtësinë 30 km/h nga drejtimi verior dhe veriperëndimor, kjo do të bëjë që në brigjet detare të gjenerohet dallgëzim deri në 3 ballë.
Europa Perëndimore dhe Qendrore mbeten nën dominimin e vranësirave të shoqëruara me stuhi ere dhe shira të konsiderueshëm. Po ashtu, një pjesë e Europës Veriore – verilindore paraqitet kryesisht me vranësira dhe shira të përkohshëm.
Në Europën Jugperëndimore dhe juglindore dominojnë kthjellimet dhe temperatura të larta, më e theksuar nxehtësia në zonat Juglindore të Europës. /b.l/noa.al/
