Kthjellime dhe vranësira të lehta do të ketë në zonat bregdetare dhe të ulëta por vranësira më të shpeshta do të ketë në zonat malore si dhe reshje të izoluara dëbore në ekstremet Veri-Verilindje. Pasditja do të karakterizohet nga mot kryesisht i kthjellët por shumë i ftohtë në të gjithë vendin; kushte që vijojnë dominante edhe gjatë natës.
Sipas MeteoAlb, temperaturat e ajrit sjellin rënie me 2- 3°C gjatë mëngjesit por vetëm një rënie të lehtë në orët e mesditës, si pasojë e kthjellimeve në territor.
Era do të fryjë e lehtë deri mesatare, me shpejtësi 28 km/h nga drejtimi Verilindor dhe Lindor duke gjeneruar në det dallgëzim 2 ballë.
Europa
Moti i kthjellët por i ftohtë dominon pjesën më të madhe të kontinentit Europian. Më të theksuara kthjellimet paraqiten në gadishullin Iberik dhe pellgun Mesdhetar.
Ndërsa vranësira dhe reshje të konsiderueshme shiu e dëbore do të ketë në pellgun e Detit të Zi ndërsa reshje më të pakta dominojnë zonën e Alpeve të Europës dhe pjesërisht zonat Perëndimore dhe Qendrore./noa.al
