Chris Brown ka përdorur llogarinë e tij të “Instagramit” për të zbuluar se një tjetër tatuazh i ri i është shtuar koleksionit të tij, i cili sa vjen e rritet. Këngëtari i “Beautiful People” ia ka dedikuar këtë tatuazh vajzës së tij 2-vjeçare duke bërë një fotografi të madhe të fytyrës së saj në kurriz. Ylli i muzikës, i cili momentalisht ndodhet në turneun e tij europian, e zbuloi këtë tatuazh në një postim të bërë në rrjetet sociale, të cilin tashmë e ka fshirë. Pavarësisht se së fundmi Brown tregon shpesh herë dashurinë e tij për vogëlushen, nëna e saj Nia Guzman është shprehur se këngëtari më parë e ka mohuar ekzistencën e Royalty.
