Pas goditjes fatale që i mori jetën këngëtares Christina Grimmie, ditën e sotme është publikuar fotografia e parë e autorit. Ylli i “The Voice”, Christina Grimmie, u vra brutalisht pas performancës në një koncert në Florida ditën e së premtes. Ajo u qëllua nga Kevin James Loibl një fans i këngëtares. 27-vjeçari kishte planifikuar të largohej në një shtet tjetër direkt pas vrasjes, por nuk ndodhi kështu duke qenë se ai u vetëvra. 22-vjeçarja, e cila u rendit e treta në versionin amerikan të “The Voice” për vitin 2014, u godit nga pesë plumba dhe mori dëmtime të rënda në kokë. Ngjarja ndodhi kur ajo po nënshkruante autografe për fansat në prapaskenë. Njëra nga dëshmitaret ka thënë se Grimmie ishte tërësisht e gjakosur dhe se në momentin që u dërgua në spital, gjendja e saj shëndetsore ishte kritike. Nga sulmi mbeti i shpërfytuar edhe vëllai i saj, Mark Grimmie, i cili në një përpjekje për të shpëtuar motrën, u përlesh me vrasësin. / Anabel.al
