Juliana Pasha është një nga këngëtaret më të dashura të skenës shqiptare. Këngët e saj i kanë rezistuar kohës dhe janë pritur gjithmonë mirë nga publiku.
E ftuar në emisionin ‘Soiree’ në ekranin e ‘Top Channel’, këngëtarja ka ndarë me të gjithë një moment të veçantë nga hapat e saj të parë në muzikë.
Ka qenë Mevlan Shanaj, ai i cili ka treguar për të gjithë teleshikuesit se në fillimet e karrierës së Pashës, legjenda e muzikës shqiptare, Vaçe Zela e ka dëgjuar dhe është shprehur duke thënë: “Ky është zë, duhet pasur kujdes dhe duhet respektuar”.
Juliana ka preferuar që këtë pjesë ta ndajë më të gjithë ndjekësit e saj në ‘Instagram’, duke shtuar: “Mirënjohëse përjetë legjendës sonë Vaçe Zela. Nuk para më pëlqen të ndaj vlerësimet që më bëhen, sepse dua të qëndroj me këmbë në tokë e të mos fluturoj pa krahë, por nuk mundesha dot pa e ndarë këtë moment kaq special me ju miqtë e mi. Faleminderit zotit për dhuratën që më ka dhënë e faleminderit të gjithë ju që e vlerësoni sikur edhe me pak fjalë”.
Kujtojmë se Juliana Pasha ka një karrierë muzikore të hershme dhe cilësohet si një nga zërat më potentë të vendit tonë. Në vitin 2010 ajo ka përfaqësuar Shqipërinë në ‘Eurovision’ me këngën ‘It’s all about you’./revistawho.com
https://www.instagram.com/p/BwH3CPEF9UV/
