Përgjatë këtij sezoni televiziv, Turjan Hysko ka drejtuar emisionin “Familja”, që pavarësisht se ishte një prodhim i ri, u prit shumë mirë nga ana e publikut. Të dielave në mbrëmje ky është një ndër emisionet më të ndjekura dhe sigurisht që merita më e madhe i takon vetë drejtuesit të programit. Megjithatë puna për Turjanin nuk është aspak e lehtë dhe jo vetëm për të, por për të gjithë moderatorët e televizioneve. Me anë të një statusi në ‘Instagram’, Turi ka treguar të gjitha vështirësitë e këtij profesioni, që në dukje është shumë i thjeshtë. “Ky zanat ka një të keqe të madhe! Je sëmurë, nuk je sëmurë duhesh në këmbë!!!”, ka shkruar Hysko në ‘Instastory’.
Me anë të kësaj ai ka treguar se sot nuk ka qenë në gjendje të mirë shëndetësore, megjithatë arriti që situatën ta superojë në mënyrën më të mirë të mundshme. Kujtojmë se pak kohë më parë në emisionin “Familja”, Turjanit ju bashkua edhe bashkëshortja e tij, Orinda Huta, që drejton rubrikën “Porta e fatit”. /revistawho.com
