Marrëdhënia e Kylie Jenner dhe Travis Scott kaloi një periudhë të vështirë gjatë muajit shkurt. Në mediat rozë u përhap lajmi se Travis e kishte tradhëtuar Kylien dhe kjo e fundit e kishte të vështirë t’i besonte më dashurisë së tij. Vetë reperi nuk i pranoi asnjëherë këto thashetheme, por nga veprimet e tij kuptohej se dëshironte t’i rifitonte besimin partneres. Travis la disa herë punën për të udhëtuar drejt Kylie-t dhe Stormi-t, fshiu ‘Instagram-in’ dhe së fundmi të tre si familje kaluan disa ditë pushimi së bashku. Në fakt duket se ai ja doli mbanë të ruajë lidhjen e tyre, sepse tashmë ata duhen më shumë se kurrë.
https://www.instagram.com/p/Bvt_WOmHiMi/?utm_source=ig_embed
Burime për “Entertainment Tonight” kanë treguar se ata janë më të fortë dhe më mirë se asnjëherë. “Çifti kanë pasur shumë ulje-ngritje, sepse të dy janë shumë të zënë me punë. Megjithatë në fund të ditës lidhja mes tyre është shumë e fortë”, – kanë treguar burimet. Tashmë duket se sfida më e madhe për Travis dhe Kylie është gjetja e kohës për të qëndruar sa më shumë pranë njëri-tjetrit. Së fundmi dyshja kanë publikuar në rrjete sociale momente shumë të ëmbla me vogëlushen e tyre, duke treguar se kur bëhen të gjithë bashkë ndjehen të lumtur. /revistawho.com
