Kylie Jenner ka marrë sërish vëmendjen me paraqitjen e fundit në Javën e Modës në Paris. 26-vjeçarja ishte në kryeqytetin francez duke ndjekur shfaqjen ekskluzive të modës me vajzën Stormi, motrën Kim Kardashian dhe mamanë Kris Jenner. Kylie u pa teksa mbërriti në prezantimin e Maison Margiela e veshur me një fustan të bërë me porosi nga koleksioni më i fundit i shtëpisë franceze të modës. Biznesmenia dukej sensacionale me fustanin e argjendtë që vezullonte teksa ecte në rrugët e Parisit. Por sipas komentuesve, look-un e saj e prishnin takat e bardha, që dukeshin një numër më i madh.
