Kylie Jenner është 21-vjeçarja më e pasur në botë, ndaj i lejon vetes disa shpenzime me vlera marramendëse. Së fundmi ajo ka treguar se ka blerë një makinë “Rolls Royce Phantom” që kushton rreth 450 mijë dollarë. Kylie ka publikuar gjithë krenari disa fotografi brenda makinës dhe përkrah tyre ka shkruar: “Vogëlushja ime është në shtëpi e sigurt”. Makina nga brenda është e gjitha me material lëkure dhe në pjesën e sipërme ka disa drita të vogla, të cilat vendosën sipas formës së konstelacionit të preferuar të pronarit.
Në të ka rreth 1340 drita, të cilat kushtojnë së paku 12 mijë dollarë. Në fakt kjo nuk është hera e parë që Kylie Jenner bën një blerje të tillë kaq luksoze, sepse me rastin e Krishtlindjeve vitin e kaluar ajo bëri të sajën një tjetër makinë nga “Rolls Royce”. Përveç këtyre 21-vjeçarja ka një “Mercedes G-Wagon”, një “Lamborghini Aventador” në ngjyrë portokalli dhe një “McLaren”. /revistawho.com
