Në datë 10 gusht, Kylie Jenner do festojë përvjetorin e saj të 22-të dhe festa do të jetë e çmendur dhe shumë e shtrenjtë. ‘TMZ’ ka zbuluar se biznesmenia ka marrë me qera një jaht gjigand që ka dhoma sa për 22 persona, një pishinë, një kinema, palestër dhe një bar të madh. Jahti mund të prenotohet për 1 milionë paund në javë dhe ky është vetëm fillimi, pasi organizimi i festës do të ketë të tjera shpenzime. Kylie ka vendosur të mbledhë bashkë të gjithë miqtë dhe familjen e saj në festën gjigande që do zhvillohet të shtunën e ardhshme.
Duke marrë parasysh se pasuria e Kylie-t si milionerja më e re në moshë arrin vlerën e 900 milionë dollarëve, shpenzimet për këtë festë janë të pallogaritshme për të. Detajet e tjera për ditëlindjen e saj pritet të zbulohen në vazhdim. / revistawho.com
