Kylie Jenner kryeson listën e personazheve më të pasur të ‘Instagram’-it për vitin 2018-të. Kjo listë është përpiluar nga ‘Hopper HQ’ dhe Kylie ka lënë pas motrën e saj, Kim Kardashian dhe fituesen e vitit të kaluar, Selena Gomez. Sipas kësaj liste, kuptohet se pavarësisht se Kylie ka më pak ndjekës në ‘Instagram’, përfiton më shumë para për një postim. Ajo ka 28 milionë ndjekës më pak se Selena Gomez, megjithatë përfiton 1 milionë dollarë për një postim, ndërsa Gomez fiton 800 mijë dollarë. Ndërsa Kim që në vitin 2017-të renditej në vendin e dytë, këtë vit renditet në të katërtin me 720 milionë dollarë të fituara. Gjithashtu vihet re se ‘Top 10’ e listës e zënë motrat Kardashian-Jenner, sepse përveç Kyliet dhe Kimit, në vendin e 10-të renditet Kendall Jenner. Ky duket se do të jetë viti i Kyliet, sepse pak javë më parë ‘Forbes’ e cilësoi si miliarderen më të re në moshë, që çdo gjë e ka arritur me forcat e saj. /revistawho.com
