Kylie Jenner nënë për herë të dytë? Zbulohet e vërteta

Ditën e djeshme në mediat rozë u shpërnda me shpejtësi lajmi se Kylie Jenner ishte shtatzënë për herë të dytë. Në një video të shkëputur nga festa e ditëlindjes së Khloe Kardashian dikush dëgjohej duke bërtitur se ishte shtatzënë dhe të gjithë ishin të bindur se zëri ishte i Kylie-t. Në të vërtetë duket se ky lajm nuk është i vërtetë dhe këtë gjë e kanë konfirmuar burime pranë miliarderes 21-vjeçare. “E! News” ka konfirmuar se ky ka qenë një ngatërrese identiteti, sepse Kylie nuk është shtatzënë. Megjithatë kjo nuk hedh poshtë mundësinë se në një të ardhme të afërt ajo mund të bëhet nënë për herë të dytë. “Kylie flet shpesh për një fëmijë tjetër. Ajo dëshiron shumë që të ketë një fëmijët dytë me Travis dhe mund të jetë sërish shtatzënë nga viti tjetër”, kanë thënë pak kohë më parë disa burime për “E! News”. Kujtojmë se prej një viti ajo dhe partneri i saj, Travis Scott janë prindër të një vajze të quajtur Stormi. /revistawho.com