Kylie Jenner ju desh të kalonte disa ditë në spital për shkak të një sëmundje që kishte simptoma të ngjashme me gripin. Për këtë arsye ajo humbi javën e modës në Paris, por duket se tashmë është rikuperuar dhe menjëherë ka nisur punën. Së fundmi ajo ka publikuar një foto nga një avion privat, ku shfaqet bashkë me nënën e saj, Kris Jenner. Të dyja të veshura kokë e këmbë me të zeza janë nisur për një takim pune, por pa zbuluar se cili ishte destinacioni i tyre. Në foto vihet re se të dyja mbajnë të njëjtën çantë nga marka “Hermes”, të cilat kushtojnë secila rreth 432 mijë dollarë.
Më parë thuhej se Kris do mbështeste Kylie-n për bashkëpunimin e saj me drejtorin kreativ të “Balmain”, por për shkak të sëmundjes ky takim u anulua dhe tani nuk dihet se për çfarë pune janë bërë bashkë nënë e bijë. /revistawho.com
