Kylie Jenner nxorri në treg linjën më të re kozmetike, ku përveç ‘make up-eve’ përfshinte dhe produkte për kujdesjen e lëkurës, të quajtur ‘Kylie Skin’. Ajo publikoi një foto provokuese në ‘Instagram’, ku tregonte format e saj perfekte, sigurisht për të reklamuar produktet, por fansave të saj i ka bërë përshtypje diçka tjetër. “Trupi i verës”, ka shkruar Kylie krahas fotos, ndërsa në komente shumica e akuzonte atë për operacion plastik, duke shkruar se ky nuk është një trup për të cilin ti ke punuar, por një trup që ta ka bërë doktori. I njëjti reagim ka qenë edhe në ‘Twitter’, por në vend të komenteve, fansat kanë reaguar nëpërmjet ‘meme-ve’. Siç ndodh zakonisht, Kylie nuk i ka kushtuar aspak vëmendje këtyre komenteve negative dhe ka vazhduar të festojë me miqtë e saj për suksesin e radhës./revistawho.com
https://www.instagram.com/p/Bz3ZrFqHDrl/?igshid=1kf4v0e45s0zb
