Kylie Jenner dhe Khloe Kardashian paralajmëruan raundin e tretë të bashkëpunimit të tyre ‘Koko’, nëpërmjet një seti fotografik. Duke qenë se u bënë bashkë në këtë projekt, motrat vendosën të realizonin një video me pyetje-përgjigje në kanalin e ‘Youtube’ të Kylie-t. Një pjesë të shkurtër, Jenner e publikoi dhe në llogarinë e saj në ‘Instagram’, por duket se ajo nuk është pritur mirë nga ndjekësit. Pothuajse të gjithë kanë komentuar pamjen e Khloe, duke e akuzuar atë për operacione plastike në hundë dhe për një nxirje të tepruar të lëkurës. ‘Profili i saj duket si Kris Jenner’, shkruanin nëpër komente, duke vënë në dukje ngjashmërinë e saj me mamanë. Kjo nuk është hera e parë që Khloe akuzohet për operacione plastike në hundë, por ylli i ‘Keeping Up With The Kardashians’ e ka deklaruar publikisht se po e mendon ta bëjë diçka të tillë së shpejti. ‘Hunda ime është fryrë nga shtatzënia, thjesht po pres të kthehet në normalitet’, është shprehur ajo, duke zbuluar se konturi ka qenë ‘heroi’ i saj në atë kohë./revistawho.com
https://www.instagram.com/p/ByqDDx3HX09/?igshid=1aqu82lxgbzh7
