”Kylie Jenner është e famshmja që i drejton të rejat për të kryer kirurgji estetike”- janë shprehur mjekët Terry Dubrow dhe Paul Nassif.
Kirurgët prestigjozë, janë të bindur se e vogla e klanit Kardashian-Jenner është një inspirim i madh për qindra vajza të reja që duan të bëjnë kirurgji plastike: ”Kylie është një tjetër Marilyn Monroe, mjafton që ajo të publikojë diçka në Twitter apo Instagram dhe gjithçka përhapet si flaka”.
Sipas mjekut Nassif, numri i vajzave të reja që duan të kalojnë nëpër dorën e bisturisë është alarmante, dhe sipas tij nëse dëshiron një zmadhim gjoksi, liposuksion, fryrje buzësh etj, e rekomandueshme është që këto të bëhen pas moshës 21 vjeç.
Nga ana tjetër kirurgu Dubrow ka komentuar: ”Operacionet që bëhen tani janë të një niveli të lartë. Pacientet duken të mrekullueshme siç është rasti i Madonës apo Meg Ryan. Tani po bëhen operacione shumë delikate.”
