Kylie Minogue gjen të dashur 20 vjet më të ri

Këngëtarja seksi Kylie Minogue përveç albumit të ri që pritet të dalë muajin e ardhshëm, vjen me një tjetër risi. Ajo po jeton një romancë të re dashurie. E veçanta është se artistja bukuroshe kësaj here ka zgjedhur një të dashur ekzaktësisht 20 vjet më të ri. Partneri i saj quhet Joshua Sasse dhe është 27 vjeç, ndërsa Kylie është 47-vjeçare. Çifti është parë disa herë bashkë në Londër, ndërsa mediat britanike e kanë lëvduar pamjen e Minogue. Sipas tyre, këngëtarja duket shumë më e re në raport me moshën që ka. Kujtojmë që në vitin 2013, Kylie i dha fund lidhjes pesëvjeçare me modelin spanjoll, Andres Velencoso, i cili ishte 10 vjet më i ri se ajo.